Isko mo-promote sa Sugbu Negosyo

CEBU, Philippines — Sa ikatulong higayon, mobisita sa Sugbo ang presidential aspirant ug Manila Mayor Francisco “Isko Moreno” Domagoso sunod semana aron motambong sa Awarding Ceremony sa Sugbo Negosyo sa Probinsya sa Sugbo.

Mao kini ang ikatulong higayon nga mobisita sa Sugbo si Domagoso human siya pormal nga nilansar pagka pangulo sa 2022 elections.

Duna karoy mga pangutana kun ang pagbalik-balik ni Domagoso dinhi sa Sugbu siya na bay gipaluyohan sa mga inilang political clans sa umaabot nga eleksyon.

Daan ng giangkon ni Domagoso nga gipanguyaban niya ang mga Sugboanon ug ang One Cebu party sa pamilyang Garcia aron siya suportahan sa umaabot nga piniliay.

Sa press release sa kampo ni Domagoso kini nagkanayon nga giimbitar sab kini sa Mandaue Chamber of Commerce and Industry (MCCI) pinaagi sa ilang presidente nga si Steven Yu.

Si Domagoso mipadayag sa iyang intension nga iyang gamiton ang Sugbo Negosyo nga modelo sa recovery sa mga medium, small and micro enterprises (MSMEs) sa nasod nga naapektohan sa pandemya sa Covid-19.

Ang Sugbo Negosyo program, usa ka programa sa administrasyon ni Gobernador Gwendolyn Garcia nga naghatag og puhonan sa mga gagmay nga patigayon sa probinsya aron makabangon human nadawad-an og trabaho ug panginabuhian tungod sa pandemya sa Covid-19. —IBM (BANATNEWS)