2 ka adlaw nga fun fair sa Lapu-Lapu malamposon

CEBU, Philippines — Giisip nga malampuson ang gipasiugdahan nga duha ka adlaw nga fun fair nga giapilan sa nagkahugpong nga kababayen-an ug mga batan-ong Oponganon nga naghatag sa libreng serbisyo.

Si  Kongresista Paz Radaza nga maoy nag-organized niini miingon nga ang ilang gihimo dili lang sa paglingaw sa mga molopyo taliwala sa nasinati nga pandemic kon dili ang paghatag usab kanila og kahigayonan nga makapakita sa ilang nakat-onan sa pagpangluto o pagladlad sa ilang produkto.

Ang mao nga funfair gisalmotan sa mga membro sa Kababayen-an sa Opon nga Nagkahiusa alang sa Kalamboan (KONKA) diin duna silay gibaligya nga mga produkto nga sila gayod mismo ang naghimo. 

Mga produkto sama sa detergent powder, dish washing, dried fish, ginamos (fermented fish), plants, various delicacies and drinks ang gibaligya sa KONKA.

Ang mga miyembro usab sa Mahuyang Alang Sa Kalamboan (MASK) mihatag usab og libreng haircut, facial cleansing ug eyebrow trimming para sa tanan.

Ang mga sakop sa Team Deretso nga gipanguluhan ni mayoralty aspirant og Lapu-Lapu city Lone District Rep. Paz Radaza nanghatag usab og mga mugs, libreng t-shirt printing, mga duwaan ug ubang souvenir items.

Sa ikaduhang adlaw, ang mga membro sa Youth mipahigayon usab sa ilang team building diin aduna silay nagka lain-laing activities nga nakalingaw sa kabatan-onan.

Mikabat ngadto sa 2,000 ka mga membro sa KONKA, MASK ug youth ang misalmot sa duha ka adlaw nga funfair. MEL (BANATNEWS)