51 anyos naligsan patay sa Bogo City
CEBU, Philippines — Patay ang usa ka 51anyos nga lalaki, human kini nadasmagan sa dihang paingon molabang sa may national highway sa Barangay Dakit, Bogo City Cebu, niadtong Domingo sa hapon.
Ang nakalas naila nga si Julito Tero, ulitawo ug residente sa Sitio Lower Pandan, Barangay Pandan, sa maong dakbayan.
Samtang ang driver sa Toyota Innova nga nakaligis kaniya mao si Juditho Mollejon, 58 anyos, minyo, taga Sitio Panabilan, Barangay Nailon.
Base sa initial nga imbestigasyon ni Traffic Investigator PSMS George Ocena nga dihang paingon na molabang ang biktima mibalik kini sa agi pagkakita sa nagpadung nga sakyanan.
Wa nabantayi sa driver og naigo gyud ang biktima ug naka-angkon og kadaut sa iyang kalawasan ug patay na kini nga niabot sa tambalanan.
Ang driver kasamtangan usa nga gikustodiya sa kapulisan ug nagpaabot sa pagpasang-at ug tukma nga kaso sa pamilya sa namatay.
Samtang lalaki nakit-ang patay diha sa Sitio Danao, Barangay Lower Becerril, Lungsod sa Boljoon, Cebu, adlaw nga domingo.
Ang nakit-an nga wala nay kinabuhi mao si Manuel Sesante, 43 anyos, residente sa lugar.
Matud pa ni PCPL Charlito Logroño, Desk Officer sa Boljoon Police Station, sayo sa buntag nilakaw si Sesante kay magtugway sa iyang kanding, apan nahibulong ang kapuyo niini nga wala pa kini mopauli alas sais na sa gabie, hinungdan nagpakitabang kini sa manghud sa biktima pagpangita.
Ang biktima nakit-an dili layo sa ilang balay nga nahagba na ug wala nay kinabuhi.
Gisusi pa sa kapolisan ang hinungdan sa kamatayon sa biktima nga giingong dunay sakit nga highblood. MEL (BANATNEWS)
- Latest