Rama: Suportahan nila kun kinsay gusto ni Duterte

CEBU, Philippines — Giklaro ni Cebu City acting Mayor Michael Rama nga magpabilin nilang suportahan ang kandidato sa pagka-presidente sa nasud kun mao kini ang paluyuhan ni Presidente Rodrigo Duterte.

“The anointment of PRRD is very important for our group because we are PDP-Laban, so whoever will be anointed by the President definitely will be supporting but I am discerning and praying because I can Marco-Duterte-Bong Go mag-ipon that is unbeatable so I was when there will be finality that this will join, that is what I wish and praying,” ni Rama pa. Kahinumduman nga si Rama ug si Davao City Mayor Sara Duterte-Carpio nagkita niadtong miaging adlaw dihang mibisita si Duterte-Carpio sa Sugbo ug mitambong ug mga importanteng kalihukan.

Dihang nagtagbo ang duha, gidala ni Rama  silang Atty. Joey Daluz III nga maoy campaign manager nila, Atty. Floro Casas Jr.; Konsehal Raymond Alvin Garcia nga magpapili sab pagka-bise Mayor sa Cebu City ug uban pa.

Una nang namahayag ang presidential daughter nga dili kini modagan sa pagka-pangulo sa nasud sa sunod tuig ug iyang suportahan ang kandidatora ni kanhi senador Ferdinand “Bongbong”Marcos. —IBM (BANATNEWS)