99 porsyento sa establisamento nituman sa SRP
CEBU, Philippines — Niabot ngadto sa 3,348 ang gidaghanon sa establisamento sa Central Visayas ang kasamtangang nasusi sa Department of Trade and Industry (DTI) kalabot kini sa pagtuman sa suggested retail price (SRP) sa basic necessities and prime commodities (BNPC).
Nasayran nga sa maong gidaghanon 99 porsyento niini ang nituman sa SRP sa ilang mga gipamaligyang produkto.
Ang maong datos gikan sa pagsugod karong tuiga hangtud niadtong Oktubre 13, 2021.
“DTI 7 regularly monitors establishments to ensure their compliance to the suggested retail prices (SRPs) for basic necessities and prime commodities (BNPC) such as, but not limited to, canned and other food products, bottled water, dairy, and common household or kitchen supplies”, tipik sa mensahe sa DTI nga gi-post sa ilang social media account.
Usa usab sa gikampaniya karon sa DTI mao ang “honest labeling”.
“As consumers, we have the right to be protected against dishonest labeling and the right to be given all the facts needed to make an informed choice on products that we intend to buy”, dugang sa DTI. BDB (BANATNEWS)
- Latest