Garcia, ubang lokal nga kandidato giendorsar nilang Sara ug BBM
CEBU, Philippines — Giendorsar ni Davao City Mayor Sara Duterte-Carpio ug presidential aspirant Ferdinand ‘Bongbong’ Marcos si Gobernador Gwendolyn Garcia sa pagdagan niini og balik pagka gobernador sa lalawigan sa Sugbo sa 2022 eleksyon.
Samtang giklaro si Duterte nga ang pag-isa nilang duha ni Marcos sa mga kamot ni Garcia atol sa ilang tigom niadtong Oktubre 23 nagpasabot nga nisuporta sila sa kandidatora niini.
Ang secretary general sa One Cebu nga si Cebu 3rd district congressman PJ Garcia nihimo usab og klaripikasyon kalabot niini sanglit dunay mga pipila ka hulagway sa social media nga nanggawas ang gobernador nagisahay sab og mga kamot sa pipila ka presidential aspirants sama ni Manila Mayor Isko Moreno.
“If you see national candidates and personalities with raised hands together with our Governor, that is them endorsing the Governor and not the other way around,” matud ni PJ Garcia.
Matud ni PJ, nga human sa Nobyembre 15 pa sila modesisyon sa One Cebu kinsa ang ilang iendorso nga presidential candidate sa umaabot nga piniliay.
“Let me, as Sec Gen of One Cebu, reiterate: One Cebu will decide on national candidates and alliances after Nov. 15,” matud ni PJ sa iyang Facebook post.
Ang Nobiyembre 15, maoy kataposang adlaw sa substitution sa mga kandidato sa 2022 elections.
Gawas ni Moreno ug Marcos, apil sa mga niari sa Sugbo ug nakigkita ni Garcia mao si presidential candidate Senador Panfilo ‘Ping’ Lacson.
Gawas kang Gob. Gwendolyn Garcia, lakip sa giendorsar nilang Sara ug BBM mao sila si Liloan Mayor Cristina Garcia-Frasco ug Cong.Duke Frasco lakip na si acting Cebu City Mayor Michael Rama niadtong nakalabay nga adlaw nga Sabado.
Lakip silang Lapu-Lapu Mayor Junard ‘Ahong’ Chan ug kapikas niining si Cindi nga modagan pagbalik sa pagkamayor ug kongresista sa Lone District of Lapu-Lapu , giisa sab ni Sara ang mga kamot kagahapong adlawa.
Apan katingalahan sab nga silang Sara ug Bongbong nakit-an sab nga nakigtigom kang Congresswoman Paz Radaza kinsa nagtinguha sab nga atbangan si Chan sa pagka-mayor sa dakbayan. —The Freeman/IBM
- Latest