Bucao wa mabalaka nga walay suporta sa mga kapitan
CEBU, Philippines — Giklaro ni bise mayor Alan Bucao sa Syudad sa Talisay nga ang iyang pagpapili pagkamayor alang sa kaayohan sa Talisaynon ug dili sa mga kapitan sa matag barangay.
Kini maoy tubag ni Bucao human ang partidong Alayon nihatag og gibug-aton sa opinyon sa 22 ka mga kapitan sa Talisay.
Una niini, si Gullas motugyan na unta sa Talisay ngadto ni Bucao samtang siya magpapili pagka kongresista sa unang distrito. Apan ang mga kapitan mipili sa iyang asawa nga si Rhea nga maoy mopadayon sa pagkamayor samtang si Bucao pabilin nga bise mayor.
Nagpasalamat si Bucao sa mga Gullas nga nisalig sa iyang katakos sa pagdumala sa Syudad sa Talisay.
“Kapin sa tulo ka dekada sa limpyo nga pagserbisyo ang makapamatuod sa akong katakos ug sa kadaghan nga atong nahimo aron mapalambo ang atong minahal nga siyudad sa Talisay,” tipik sa post ni Bucao.
Gidawat niya ang kamatuoran nga dili mosuporta kaniya ang mga kapitan sa iyang pagdagan pagkamayor.
Apan iyang giklaro nga wala siya modagan pagkamayor para sa 22 ka barangay kapitan.
“I am not here just for the 22 barangay captains. I am here not to please the 22 barangay captains whom I respect and value as well as their opinions. In the same way that every barangay official’s duty is not reliant to the vested interest of any political party but prioritize the welfare of the people. I am for every Talisaynon. I am standing and running for the mayoral race for the entire welfare of the whole city,” dugang pa ni Bucao. —MEL (BANATNEWS)
- Latest
