IATF giawhag nga tugotang mag-self regulate ang mga establisamento

CEBU, Philippines — Giawhag sa hunta probinsiyal ang Inter-Agency Task Force for the Management of Infectious Diseases (IATF-MEID) nga tugotan ang restaurants, dining, ug ubang  pagkaonan ug beverages establishments, hotels, resorts, lakip na ang ubang accommodations establishments ug  outdoor tourism activities nga mag “self-regulate” sa ilang mga establisemento.

Si Bokal Glen Anthony Soco, ang nangamahan sa resolusyon kabahin sa maong awhag. Matud ni Soco nga ang pag self-regulate sa operasyon sa maong mga establisemento aron mabalik ang normal operations niini bisan pa sa quarantine classification.

Padayong gisunod sa maong mga establismento ang health protocols sama sa pagkuha og mga gikinahanglan nga permit aron nga maprotektahan ang ilang patigyaon, investment ug panginabuhian sa ilang mga empleyado.

Matod ni Soco nga tungod sa usab-usab nga quarantine classification ang maong sector nag-antos sa dugang nga gastohan aron mosubay sa kamandoan sa gobiyerno.

“Several business groups seek understanding and consideration so that they may protect their investments and capital. Most of these businesses are losing their patronage as consumers are discouraged to enjoy the services they offer”, dugang ni Soco. BDB (BANATNEWS)