Biker naumod patay
CEBU, Philippines — Patay ang usa ka biker human siya kalit nga naumod sa iyang bike samtang nagtadlas sa N. Bacalso Avenue sa Barangay Lawaan 1, Dakbayan sa Talisay niadtong Huwebes sa hapon. Ang biker gituohang giatake sa sakit sa kasing-kasing.
Sa pagsuwat ning balita, wa pa ilhi ang namatay nga nga nagsul-ob og puwa ug puti nga sinina, itom nga cycling shorts, itom nga sapatos, itom ang buhok nga adunay gibana-banang pangidaron nga 50 ngadto sa 60 anyos.
Si Jonathan Tumulak, traffic czar sa siyudad miingon nga gikan sa habagatan ang biker. Pag-abot niya sa nahisgutang lugar kalit lang kini nga natumba ug nabunal ang ulo sa karsada. Natingala ang mga motorista sa kalit nga pagkatumba sa biker hinungdan nga ila kining gitabang. Ang mga rescue team nihulagway nga giatake sa kasing-kasing ang biker hinungdan sa iyang pagkatumba. — /IBM (BANAT NEWS)
- Latest
