Mga mag-uuma sa Naga gibansay sa organic farming
CEBU, Philippines — Ang mga mag-uuma sa Dakbayan sa Naga gipangtudloan sa paagi sa organic farming sulod sa 14 ka semana.
Ug nagmalampuson ang 22 ka mag-uuma sa gihimo nga training.
Ang maong programa iya sa City Agriculture Office inabagan sa Agricultural Training Institute-Regional Training Center (ATI-RTC)-7) ug ni Mayor Kristine Vannesa Chiong. Gitawag kini og Season-Long Farmer Field School on Organic Farming.
Ang training gisugdan niadtong buwan sa Mayo niining tuiga ug ang mag-uuma nitanom og nagkalain-laing utanon sa 500 square meters nga lunga nga gihimong learning field.Gitudloan sila sa pag-fertilize sa yuta gamit ang home-made organic fertilizers pinaagi sa fermentation.
Ang mga graduate nakadawat sila og dugang mga seedling ug organic fertilizers aron sila na ang mopalambo niini. BDB (BANATNEWS)
- Latest