62 ka barangay defenders nanumpa sa Talisay

CEBU, Philippines — Miabot sa 62 ka indibidwal ang nanumpa nga sila motabang sa pagprotehir sa ilang barangay gikan sa mga dautang elemento.

Ang maong mga tawo gikan sa barangay San Roque, Biasong, Pooc, Tanke ug Candulawan.

Nanumpa sila atubangan ni Mayor Gerald Anthony “Samsam” Gullas niadtong miaging adlaw aron mahimong pormal nga gitawag og “barangay defenders”.

Si Police Lt. Col. Gerard Ace Pelare, pangu sa kapulisan nitataw nga lakip kini sa estratihiya sa ilang programa sa Oplan Limpyo Talisay.

Matud pa niya nga ang barangay defenders mao kanhi mga tiggamitan og ilegal nga drugas apan karon nanumpa nga sila moundang sa dili maayo nga bisyo ug motabang na sa kapulisan sa pagpuhag sa maong illegal nga negosyo.

Ang mga barangay defenders gipaubos sa usa ka semana nga training sa pagdakop ug pagpasabot kung unsa ang balaod.

Subay niini nalipay si Gullas gumikan kay nagkadaghan ang mga tawo nga nipakita og suporta sa mga otoridad aron makab-ot ang hapsay nga komunidad. MEL (BANATNEWS)