Lalaki gituohang gi-salvage
CEBU, Philippines — Usa ka patay nga lawas sa lalaki ang nakit-an diha sa Sitio Latawan, Barangay Sinsin, bukiran nga bahin sa Dakbayan sa Sugbo, Huwebes sa buntag.
Ang maong lalaki gituohang hingkod ang pangidaron, walay beste naka short lang og itom, walay tsinelas.
Ang maong lalaki gituohang gibinaklid sa wala pa kini gipatay.
Ang kapulisan sa Pardo Police Station, nihimo pa og imbestigasyon may kalabutan niini ilabi na walay nakaila niini sa maong lugar.
Nagpaabot pa usab ang Pardo Police sa pakisusi sa mga tinugyanan sa SOCO kung asa ang igo sa maong biktima sa pagpamusil nga maoy naingnan sa hinanali niini nga kamatayon.
Pipila ka mga residente sa maong lugar ang nakadungog og buto-buto Miyerkules sa gabii ug giingong adunay nipalayo nga sakyanan human sa butobuto.
Buntag na nadiskubrehan ang patay nga lawas, gipaabot pa sa kapulisan sa Pardo kung adunay kabanay nga mangita sa ilang na-missing nga kabanay. —IBM (BANATNEWS)
- Latest
