^

Banat Balita

P42 nga usbaw sa suholan ipatuman sugod sa Oktubre

Mitchelle L. Palaubsanon - Banat

CEBU, Philippines — Sobra sa 300,000 ka minimum wage earners sa Central Visayas lakip sa Negros Oriental ug Siquijor ang makabenepisyo sa P42 kada adlaw nga usbaw sa suholan nga ipatuman sugod karong Oktubre 14, 2026.

Matud ni Department of Labor and Employment (DOLE) Secretary Francis Tolentino nga unanimous nga gi-affirm sa National Wages and Productivity Commission (NWPC) ang desisyon sa Regional Tripartite Wages and Productivity Board (RTWPB)-7 nga maghatag og usbaw sa suholan.

Ubos sa bag-ong wage order, mosaka gikan P540 ngadto sa P582 kada adlaw nga minimum wage sa Class A areas, lakip ang Expanded Metro Cebu samtang gikan P500 ngadto sa P542 ang Class B areas.

Apil usab sa wage adjustment ang agricultural ug non-agricultural minimum wage workers sa Cebu ug Bohol ingon man sa Negros Oriental ug Siquijor nga nagpabiling sakop sa RTWPB-7 alang sa wage-setting samtang wala pa matukod ang laing wage board alang sa Negros Island Region.

Ang minimum monthly wage sa mga kasambahay o katabang sa pamimalay mosaka usab gikan P7,000 ngadto sa P7,500.

Matud ni RTWPB-7 Chairperson ug DOLE-7 Director Emmanuel Ferrer nga ang P42 nga usbaw resulta sa deliberasyon sa labor ug management representatives diin gikonsidera ang socioeconomic indicators, basic needs sa mga trabahante ug ilang pamilya ug kapasidad sa mga employer sa pagbayad.

Ang wage order mahimong epektibo human sa gikinahanglang 15 ka adlaw nga publication period.

Alang sa trabahanteng minimum wage ug nagtrabaho og 26 ka adlaw matag bulan, ang P42 nga increase tukma nga P1,092 nga dugang sa binuwan nga basic pay.

Apan gikwestiyon sa Trade Union Congress of the Philippines (TUCP) kong igo ba ang P42 aron matubag ang pagsaka sa galastohan sa pagpanginabuhi.

Matud ni TUCP spokesperson Carlos Miguel Oñate nga ang P582 nga minimum wage sa Expanded Metro Cebu layo gihapon sa P1,400 nga daily family living wage nga ilang gibana-bana alang sa Central Visayas.

Gihangyo usab sa TUCP ang pag-aproba sa House Bill No. 88 nga nag-propose og P200 nga nationwide daily minimum wage increase.

Samtang, si Tolentino nipadayag nga nag-andam ang DOLE og “Sagip Trabaho” assistance program ubos sa TUPAD alang sa mga kwalipikadong micro, small and medium enterprises (MSMEs) nga maglisod sa pag-absorb dayon sa dugang labor cost.

Ang mga kwalipikadong establisemento mahimo usab nga mangayo og exemption ubos sa applicable guidelines sulod sa 75 ka adlaw gikan sa pagka-epektibo sa wage order.

Gipahinumduman ni Ferrer ang mga employer nga obligado sila’ng mosunod sa bag-ong minimum wage rates kong mahimong epektibo na ang wage order. BDB BANAT NEWS

DOLE

  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with