61 na natalang patay sa linog sa Mindanao

CEBU, Philippines — Niabot ngadto sa 61 ang natalang patay ug 173,000 ka pamilya ang naapektohan sa nahitabong linog ngadto sa Mindanao matud sa National Disaster Risk Reduction and Management Council (NDRRMC).

Ang NDRRMC nagkanyon nga sukad kagahapon 54 ang natalang namatay sa Rehiyon 12 samtang pito ang natala sa Rehiyon 11 samtang niabot ngadto sa 11,403 ka indibidwal ang natala ug 40 ang missing. Base sa taho sa The Philippine Star adunay 173,000 ka pamilya o 724,000 ka indibidwal ang naapektohan sa 7.8 magnitude nga linog.

Niabot ngadto sa 725 ka infrastructure facilities ang nakaangkon og danyos nga nikabat ngadto sa P1 bilyones ang kinatibuk-ang cost sa danyos.

Samtang 54,000 ka balay ang apektado diin sa maong gidaghanon 9,900 ang totally damaged ug 44,100 ang partially damaged.

Niabot usab ngadto sa 13 ka lungsod ug siyudad ang gipaubos sa state of calamity.

Ang NDRRMC nibutyag nga nikabat ngadto sa P67.6 milyones ang kinatibuk-ang hinabang ang gigahin alang ngadto sa mga apektadong pamilya. — /BDB (BANAT NEWS)