^

Banat Balita

Relasyon tali sa nasud sa Russia ug Pilipinas nagka lig-on

Mitchelle L. Palaubsanon - Banat

CEBU, Philippines —  Gipadayag sa mga opisyal sa Russia ang nagkalig-on nga relasyon sa kultura, edukasyon, ug ekonomiya tali sa Russia ug Pilipinas atol sa Mandaue Culture and Heritage Night nga gihimo sa Mandaue Heritage Plaza.

Ang maong kalihukan gitambongan sa mga lokal nga opisyal, miyembro sa Russian delegation, mga cultural advocates, ug mga bisita isip selebrasyon nga nagtumong sa pagpalig-on sa panaghigalaay ug kooperasyon sa duha ka nasod pinaagi sa cultural exchange. Sa iyang welcome speech, gipadayag ni Mandaue City Councilor Carlo Pontico Fortuna, chairperson sa Sangguniang Panlungsod Committee on Foreign and Domestic Relations, nga ang maong panagtigom labaw pa sa ordinaryong cultural showcase.

Gitataw niya ang importansya sa diversity ug mutual respect sa pagpalig-on sa internasyonal nga relasyon, samtang iyang gihisgutan ang kasaysayan sa Mandaue Presidencia, ang heritage structure sa siyudad nga nagsimbolo sa kalig-on sa mga Mandauehanon.

Si Councilor Joel Seno, executive chairperson sa Mid-Year Cultural Summit 2026, miabiabi usab sa delegasyon ug miingon nga ang maong pagbisita usa ka oportunidad aron mapalawom ang pagsinabtanay tali sa mga Pilipino ug Ruso.

“Your visit is not merely a fleeting moment, but a rare and cherished occasion that brings us all together in friendship and mutual understanding,” suma pa ni Seno.

Usa sa mga highlight sa kagabhion mao ang pakigpulong ni Mr. Viacheslav Manuylov, deputy head sa Department for External Relations of Moscow, kinsa mipadayag nga ang relasyon tali sa Russia ug Pilipinas nagpadayon sa pagpalapad dili lamang sa diplomasya kundili usab sa local government partnerships ug grassroots exchanges. 

Matod pa niya nga aktibo ang Moscow sa pagpalambo sa partnerships uban sa mga siyudad ug probinsya sa Pilipinas, ilabina sa Cebu, sa natad sa kultura, youth policy, transportasyon, ug edukasyon. Sumala ni Manuylov, mipirma ang Moscow ug Cebu sa usa ka Cooperation Program alang sa 2024–2027 niadtong Agosto 2024 aron mapalig-on ang kolaborasyon sa urban development, turismo, kultura, ug humanitarian exchanges.

Iyang gihisgutan usab ang pagtukod sa Russian Center ubos sa Russian World Foundation sa Cebu, nga giinagurahan niadtong Nobiyembre 2025, isip simbolo sa nagkalig-on nga partnership.

Gipahibawo usab ni Manuylov nga daghang Pilipino ang nakakaplag og oportunidad ug ikaduhang panimalay sa Russia, samtang daghang Russian tourists ug entrepreneurs ang nakadayeg sa kainit ug kalig-on sa mga Pilipino.

Samtang si Russian Ambassador Extraordinary and Plenipotentiary to the Philippines, His Excellency Marat Pavlov, mipadayag sa kamahinungdanon sa ika-50 nga anibersaryo sa diplomatikong relasyon tali sa Russia ug Pilipinas.

Gihinumdoman sa ambassador ang iyang pagbisita sa Mandaue tulo ka tuig na ang milabay diin nasugdan ang mga diskusyon bahin sa cultural cooperation ug economic opportunities uban sa mga opisyal sa siyudad.

Gitapos ang maong kagabhion pinaagi sa cultural performances gikan sa Filipino ug Russian performers nga nagpasundayag sa tradisyonal nga sayaw, musika, ug artistic presentations nga nagsaulog sa komon nga commitment sa duha ka nasod alang sa cultural understanding ug panaghigalaay. (BANAT NEWS)

HERITAGE

  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with