“BanTal ‘Discipline Zone” gipatuman na sa CCTO

CEBU, Philippines — Gipahibalo sa Cebu City Transportation Office (CCTO) ang pagpatuman sa “BanTal Discipline Zone” nga gilangkuban sa upat ka traffic projects aron matubag ang dugay nang problema sa trapiko sa Banilad-Talamban (BanTal) corridor.

Giila ang BanTal corridor nga usa sa mga pinaka-congested nga ruta sa syudad tungod sa pagtapok sa trapiko gikan sa northern Cebu, Mandaue, ug central Cebu.

Lakip sa ipatuman ang pagbutang og PUV lay-bys nga naa na karon sa off-street, motorcycle lanes, traffic priority scheme sa Talamban Circle, ug rerouting sa mga PUJs padulong sa Tintay via Highway 77 sa peak hours.

Matud ni Atty. Kent Francisco Jongoy, assistant head sa CCTO, gisugdan ang implementasyon samtang wala pa magsugod ang klase sa mga pampublikong tunghaan.

Gipahiluna usab ang daghang traffic enforcers ug criminology interns aron maoy mobantay sa discipline zone.

Dili mominos sa 40 ka mga motorista ang naisyuhan og citation tungod sa paglapas sa lagda sa trapiko nunot sa gipatuman nga Bantal Discipline Zone.

Kadaghanan sa mga kalapasan mao ang overloading, walay helmet, wala mosunod sa traffic sign ug uban pa. Shiela Mae H. Agrabio CNU Intern/Rowena D. Capistrano/MEL BANAT NEWS