Menor kaniadto nga nilugos sa menor pud nga uyab, nalutsag warrant
CEBU, Philippines — Balhog sa prisuhan ang Top 6 Most Wanted Person (MWP) human nadakpan sa mga kapolisan sa Inayawan Police Station 7 tungod sa pagpanglugos sa menor de edad sa Sitio Sambag, Barangay Bulacao, Siyudad sa Sugbo, niadtong Biyernes sa hapon, Hunyo 20, 2025.
Ang dinakpan nga mao si alyas Reyver, 18-anyos, walay trabaho, ug residente sa dihang dapit.
Base sa imbestigasyon sa kapulisan, giingong nga managuyab ang suspek ug ang iyang nahilabtan, apan nahitabo kini sa dihang menor pa silang duha.
Gikataho nga gi-report sa pamilya sa babae ngadto sa kapolisan ang suspek ug gipasakaan og kaso ug karon nalutsan na og warrant of arrest nga gikan sa korte.
Gidakop ang maong suspetsado nga gipanguluhan ni Police Major Keneth Paul Albotra kauban ang kapolisan sa Police Station 7.
Kasong kalapasan sa Statutory Rape ubos sa Republic Act 8353 nga giamendahan sa Republic Act 11648 nga giisyu sa Regional Trial Court, 7th Judicial Region, Branch 24, Dakbayan sa Sugbo. — Anthony Despi (BANAT NEWS)
- Latest
