CCPO nipatuman og weight lost and management program
CEBU, Philippines — Uyon ang Cebu City Police Office (CCPO) sa gipadayag ni PNP Chief General Nicolas Torre III nga kinahanglang physically fit ang mga polis sa nasud pasabot niini dili dagko og tiyan.
Gani posibleng mataktak sa serbisyo ang mga polis nga mapakyas sa pagsunod niini o dili mapaubos sa timbang.
Nunot niini, si Police Colonel Enrico Figueroa, acting director sa CCPO nipatuman og weight loss and management program.
"Kani simply lang we are collecting the Body Mass Index of all our PNP personnel as well as their weight at this current time and then for certain period in a monthly basis atoa na gina-monitor ang pagkunhod sa ilahang weight and dapat in relation or aligned ni sila sa ilahang Body Mass Index", pasabot ni Police Lieutenant Colonel Maria Theresa Macatangay, deputy city director for operations ug tigpamaba sa CCPO.
Gawas niini, adunay laing kalihokan ang CCPO sama sa mga sports activities diin usa ka tournament ang gihimo tali sa mga PNP personnel.
Ang mga tournament gilangkuban sa basketball, tennis ug uban pa.
"Atoa pod gina-encourage ang atoang PNP personnel karon nga mo enroll sa gym, so calisthenics, do running, whatever support they think can help them manage their weight because mao man nay expectation sa ilaha", ni Macatangay pa.
Dugang ni Macatangay nga ang foot patrolling sa kapolisan sulod sa walo ka oras makatabang usab sa ilahang pagpaubos og timbang. (BANAT NEWS)
- Latest
