1,166 ka tinun-an migradwar sa Talisay City College
CEBU, Philippines — Mikabat sa 1,166 ka tinun-an ang migradwar sa Talisay City College (TCC) sa school year 2024-2025.
Ang graduation gihimo niadtong Biyernes sa pagpangulo ni Dr. Richel Bacaltos, presidenti sa TCC ug ni Talisay City mayor Gerald Anthony “Samsam” Gullas.
Sud sa 1,166 ka tinun-an, 425 ang nigradwar sa Bachelor of Elementary Education, Bachelor of Secondary Education with majors in English, Math, Filipino ug Social Studies ingon man Diploma in Professional Education.
Samtang 741 ang migradwar sa College of Arts and Sciences (CAS) nga gikan sa programang Bachelor of Science in Hospitality Management, Bachelor of Industrial Technology, Communication Technology ug Entertainment and Multimedia Computing.
Si Gullas mapasigarbohon tungod kay tulo sa nigradwar sa BEED ug BSED nahimo nga cum laude nga sakop sab sa cream of the crop scholars sa Dakbayan.
Nagkanayon si Gullas nga naningkamot sila nga matabangan ang kabataan sa pagtungha ug karon makita na nga kini nagbunga.
Matud pa niya nga ang matag graduate adunay gidala nga damgo ug ang paglampos sa pagtungha sa kolehiyo maoy pagtikang sa pagkab-ot niini.
“Behind every toga lies a story of perseverance and sacrifice. I know many of our students faced financial hardships—working part-time, carefully budgeting every peso, and still pushing through,” suma pa ni Gullas.
Libre ang pagtungha sa Talisay City College aron makaluag-luag ang mga ginikanan sa ilang gastohan alang sa maayong kaugmaon sa kabataan. — /MEL (BANAT NEWS)
- Latest
