Mga sakop sa MCPO gi-random drug test
CEBU, Philippines — Gipahigayon niadtong miaging adlaw ang random drug testing sa kapolisan sa Mandaue City Police Office (MCPO) sa headquarters niini nga nahimutang sa Barangay Centro sa maong dakbayan .
Gipasiugdahan ang maong kalihokan sa City Intelligence Unit (CIU), MCPO) nga ubos sa pagpangulo ni Police Lieutenant Colonel Mark Gifter Sucalit nga ubos usab sa superbisyon ni City Director Police Colonel Cirilo Acosta Jr.
Ang Mandaue City Forensic Unit (MCFU) nga gipangulohan ni Police Staff Master Sergeant Janice Barillo maoy naghimo sa maong random drug test
Boluntaryong nipaubos niini ang 17 ka mga personnel nga nadestino sa MCPO Headquarters.
Si City Director Police Colonel Acosta miingon nga kabahin kini sa internal cleansing efforts sa ilang organisasyon kay mahinungdanon nga walay polis nga nalambigit sa illegal nag drugas.
Pagmentinar kini sa ilang integridad ug disiplina kay ang pagsalig sa publiko maangkon lamang pinaagi sa sensirong panerbisyo.
“Our actions reflect the kind of service we deliver to our community — let us always strive to set the highest standard," nagkanayon si Acosta. IBM BANAT NEWS
- Latest
