Piñol gikuhang food security adviser ni Baricuatro

CEBU, Philippines — Gikuha ni governor-elect Pamela Baricuatro si kanhi Agriculture Secretary Manny Piñol isip Food Security Adviser.

Si Piñol mao ang kanhi kalihim sa Department of Agriculture ubos sa administrasyon ni kanhi Presidente Rodrigo Duterte.

Sa iyang Facebook post niadtong Hunyo 20, gilatid ni Piñol ang iyang plano alang sa agrikultura sa Probinsya sa Sugbo, kini mao ang food security.

Matud ni Piñol ang Sugbo usa ka dakong food market nga adunay 4 million ka konsumidor sa Pilpinas,  apan sama sa ubang mga probinsya nasud, ang Sugbo pakyas sa pag develop sa full agricultural potentials niini ug nagdepende ra sa gawas nga sources.

“The meat market estimated at about P10-B yearly is dominated by imports. While it is surrounded by the sea, the big volume of fish comes from the far islands of Mindanao,” matud ni Piñol.

Atol sa iyang tigom uban ni Baricuatro, si Piñol milatid sa iyang estratehiya alang sa food security.

Una matod ni Piñol, kinahanglan i-identify usa ang basic food o pagkaon nga kinahanglan sa mga pamilyang Sugboanon matag adlaw-- kini naglakip sa bugas, mais, karne sama sa manok ug baboy, itlog, isda, utanon, gatas ug mga condiments.

Ikaduha, ang kapabilidad sa mga Sugboanon mag-uuma nga maka-produce og commodities nga kinahanglan pa palamboon pinaagi sa suporta sa gobyerno. Ika-tulo kinahanglan iestablisar ang alternatibong marketing system aron masiguro ang produksyon sa mga mag-uuma moabot gyud ngadto sa mga pamilya nga wala ang traditional nga middlemen o dicers nga maoy mopamahal sa mga presyo.

Apan giklaro niya nga ang bisan unsa nga agricultural program kinahanglang dili makaguba sa kalikopan ug water sources pinaagi sa massive planting o pananom og prutas, bamboos sa highlands.

Ang maong programa tawagon nga "Pagkaon Alang sa Masa Community-based Food Security Strategy nga gidensyo ni Piñol subay sa Busog, Himsog Nga Katawhan” nga vision ni Baricuatro.

 Matud niya nga kun ang Cebu PAM Food Security Strategy, mahimong epektibo sa Probinsya sa Sugbo, mahimo kini nga sundon sa ubang LGUs sa nasud. IBM BANAT NEWS