Petisyon vs Pam kuwang sa merito-abogado
CEBU, Philippines — Misumiter og formal nga tubag ang legal team ni governor-elect Pamela Baricuatro batok sa disqualification case nga gisangat-at batok kaniya ngadto sa Commission on Elections (Comelec).
Sa usa pamahayag penetsahan Hunyo 20, si Atty. Ferdinand Topacio ang legal counsel ni Baricuatro mikompirmar nga miduso na sila og Ad Cautelam Answer Cum Memorandum niadtong Hunyo 19 ngadto sa Comelec.
Ang ad cautelam sa legal nga termino nga nagpasabot nga “with caution” o “pagbantay” tungod sa kakulang og pormal nga komunikasyon gikan sa poll body kalabot sa maong disqualification case sanglit wala pay nadawat ang kampo ni Baricuatro nga komunikasyon o summon gikan sa Comelec kalabot sa maong disqualification case.
Ang reklamo nga gisang-at sa usa ka Katrina Kaye Kowalik, usa rehistradong botante sa Sugbo mao ang kalapasan section 5 in relation sa section 3 sa Fair Elections Act, nga adunay prayer nga masuspenso ang proklamasyon o oathtaking ni Baricuatro.
Sa tubag sa legal team ni Baricutaro, nagkanayon nga base sa petisyon ni Kowalik, penetsahan Mayo 12, 2025, si Baricuatro nakalapas sa Fair Elections Act tungod sa Facebook post ug survey result niadtong Mayo 11 nga matud pa si Baricuatro nipasigarbo sa 82% nga labaw niini sa iyang kaatbang. Si Topacio nagkanayon nga sila nagtoo nga ang disqualification case pamolitika ra gikan sa kampo ni Garcia.
“To add context, while the complaint was filed by one Katrina Kaye Kowalik, a registered voter in Cebu, we have compelling reasons to believe that the same was at the behest and instigation of the Garcia camp,” matud ni Topacio.
Sa tubag sa legal team ni Baricuatro ngadto sa Comelec, nagkanayon kini nga ang maong petisyon walay mosubay sa rules ug kulang sa merito.
“We hope that in this case, the chair and members of the COMELEC will prove true to their bounden duty of ascertaining what the voters really desire, instead of substituting their judgment therefor” sumala sa kampo ni Baricuatro. IBM BANAT NEWS
- Latest
