Kapolisan sa Talisay dili na magpundo sa mga tunghaan

CEBU, Philippines — Dili na magpundo sa mga tunghaan sa Dakbayan sa Talisay ang kapolisan sa siyudad kini maoy gipadayag ni Police Lieutenant Colonel Maila Maramag, hepe sa kapolisan sa siyudad.

Matud ni Maramag nga balik na sa normal ang deployment sa ilang mga sakop gikan sa pila ka adlaw sa pagbukas sa klase.

Iyang gihulagway nga malinawon ang pag-abli sa klase sa school year 2025.

Si Maramag nagkanayon nga bisan dili na makita ang police assistance desk diha sa mga eskwelahan apan naa ra gihapon sila nagsaoy-saoy sa kadalanan sa siyudad.

Ug anaa usab gihapon ang ilang foot ug mobile patrol ingon man pagresponde sa nagkinahanglan sa ilang presensiya.

Ang kapolisan nakig-alayon kini sa mga barangay tanod nga mao na usab ang mag-monitor sa mga tunghaan. Dugang ni Maramag nga dako og tabang ang closed circuit television (CCTV) camera sa paghatag og seguridad sa kabataan nga anaa sa tunghaan. BDB BANAT NEWS