6-anyos naatrasan patay

CEBU, Philippines — Patay ang usa ka 6-anyos nga batang lalaki human naatrasan sa sakyanan sayo sa buntag apan nataho sa kapulisan hapit na alas 12 sa udto niadtong  Miyerkules, Hunyo 18, 2025 sa may Hermag Village, Barangay Tabok Mandaue City.

Ang 6-anyos nga bata tinun-an sa Grade 2 ug residente sa may Sector 1, Pagsabungan sa maong dakbayan. Samtang ang driver sa DMAX Double Cab nga nakaatras  usa ka73-anyos nga lalaking residente sa Barangay Tabok.

Base sa inisyal nga imbestigasyon sa kapulisan ang lolo nagmaneho sa sakyanan mipaatras niini sa dihang aksidente niining naigo ang bata nga nagdagan atong panahona.

Gituohang nalamba ang bata ug gidala tambalanan apan gideklarar kini nga dead on arrival.

Sumala pa ni Police Lt. Col. Mercy Villaro, ang lolo wala ra kini matanggong human nagkasinabot lang ang matag habig.  IBM BANAT NEWS