Mga polis padayon sa pagbantay sa mga eskuylahan

CEBU, Philippines — Magpabilin ang mga polis sa pagbantay sa 43 ka mga dagkong tulonghaan lakip ang naa sa kabukiran sa Dakbayan sa Sugbo hangtud nga maanad ang mga tinun-an sa ilang palibot.

Si Police Lt. Col. Ma. Theresa Macatangay ang tigpamaba sa Cebu City Police Office miingon nga dunay posibilidad nga ma extend hangtud nga mapahiluna na ang tanan gikan sa pagbantay sa mga kabataan ngadto na sa dagan sa trapiko sa maong mga tunghaan.

Giklaro ni Macatangay nga dili kanunay nga anaa sa palibot sa mga eskwelahan ang mga pulis kay magpatrolya sila sa palibot, apan naa sila kanunay kun tawagon pinaagi sa 911 hotline ug mipasalig nga makaresponde sila sulod sa 3 ngadto sa  5 minutos. Girekomendar sab ni Macatangay sa mga eskwelahan public o private nga mas maayong magmuntar sila og cctv aron mamonitor ang mga kalihukan sa mga tinun-an ug mga panghitabo sa ilang palibot.

Gihulagway sa kapulisan nga nagmalinawon sa kinatibuk-an ang pagbukas sa school year 2025 to 2026.  IBM BANAT NEWS