Nasudnong opisyales imbitado sa inauguration ni Baricuatro
CEBU, Philippines — Subsob na karon ang pagpandandam sa hingpit na nga paglingkod ni governor-elect Pamela Baricuatro karong Hunyo 30, 2025.
Gikataho nga usa ka dakong selebrasyon ang himuon pagmarka sa paglingkod sa bag-ong napiling gobernador sa Probinsiya sa Sugbo.
“A massive event is planned to mark this milestone with oath-taking, an interfaith thanksgiving, and People’s Thanksgiving Street Party—all in one unified celebration”, matud sa kampo ni Baricuatro.
Moapil sa maong kalihokan ang nagkadaiyag volunteer groups human sa inauguration ceremony. “We have coordinated with all volunteer groups, and they are fully aligned—we will celebrate together on June 30, right after the formal oath-taking”, matud ni Paulo Uy, pangulo sa inauguration committee. Si Ruben Licera, tigpamaba ni Baricuatro nagkanayon nga usa sa direktiba sa governor-elect mao nga simple ra ug dili bongga ang maong kalihokan ug likayan ang dili kinahanglan nga galastohan ug motutok ra sa community-driven celebration.
Matud ni Licera nga imbes bongga nga produksiyon i-highlight sa maong kalihokan ang volunteer-led performance ug civic showcase ang simple apan dignified staging gamit ang government-owned o donated resources ug performance sa mga lokal nga artists nga walay talent fees.
Si Licera nagkanayon nga gusto ni Baricuatro nga people-centric approach subay sa iyang commitment nga responsible governance. Imbitado sa maong kalihokan sila si Bise Presidente Sara Duterte, Senador Imee Marcos ug ubang national official ug regional leaders.
Nakig-coordinate na ang kampo ni Baricuatro sa kapolisan ug sa Cebu City LGU alang sa seguridad, traffic advisories ug health protocols. BDB BANAT NEWS
- Latest
