Presyo sa karneng baboy barato diha sa KNP
CEBU, Philippines — Ang Department of Agriculture (DA) nagkanayon nga barato ang presyo sa matag kilo sa karneng baboy diha sa Kadiwa ng Pangulo (KNP) sites kompara sa mga lokal nga merkado.
Base sa taho sa Philippine News Agency si DA Secretary Franciso Tiu Laurel, Jr. nagkanayon nga dili sila makigkompetensiya sa retailers tumong nila nga makapahimulos ang tanan nga konsumidor sa baratong presyo sa karne sa baboy.
Gipasabot ni Laurel nga mas barato ang presyo sa KNP gumikan sa interbensiyon sa gobiyerno diin wala nay gastohan sa logistics ug wala moagi sa middleman.
Base sa DA-Bantay Presyo, niadtong Hunyo 13, ang lokal nga pork ham nag-range sa P350 ngadto sa P430 kada kilo samtang ang liempo P380 hangtud sa P490 kada kilo.
Samatang mas barato ang frozen nga nag-range sa P230 hangtud sa P300 matag kilo ug ang frozen liempo P290 hangtud sa P350 kada kilo.
Matud ni Laurel nga ang Food Terminal Inc. (FTI) ang mopalit direkta sa mga mag-uuma ug sila na usab ang mo ihaw ug mo-deliver sa mga Kadiwa stalls.
Ang pagbarato sa presyo sa karneng baboy unang iimplementar sa Metro Manila, Metro Cebu, ug Metro Davao ug adunay 38 ka KNP centers ug pampublikong merkado. Christyll Y. Tecson, CNU Intern, BDB BANAT NEWS
- Latest
