Go pabor sa 24 oras nga serbisyo sa Cebu City Hall
CEBU, Philippines — Si counselor-elect Harold Kendrick Go sa Dakbayan sa Sugbo pabor sa tinguha sa umaabot nga bag-ong napili nga opisyales sa siyudad sa pagpaubos sa 24 oras ang serbisyo sa Cebu City Hall.
Matud ni Go nga pabor siya sa pagbukas 24 oras sa Cebu City Hall ilabi na sama niya anaa sa construction industry usab diin kasagaran sa mga magbuhos nga mga sakyanan maigo sa gihatag nga truck ban.
Si Go nagkanayon nga dako kaayo og risgo ug gasto kong mohunong ang supplier sa mixer nga magpadala og mga truck tungod sa truck ban ug sa maong scenario mas maayo nga adunay mga opisina nga makakuha sila og special permit o kaha special exemption sa mga truck nga magbuhos.
Dugang ni Go nga angayan usab nga adunay bukas nga opisina sa city hall aron motabang sa mga tawo nga nanginahanglan ilabi na kadtong anaa sa mga tambalanan nga mangita og ibayad ang mga paryente gumikan kay ang pasyente naatol sa Sabado o Domingo nga mogawas na gikan sa tambalanan. — /BDB (BANAT NEWS)
- Latest
