Hepe sa kapolisan sa Mabolo nisuroy sa mga establisamento

CEBU, Philippines — Ang kapolisan sa Barangay Mabolo nisuroy ug ni-courtesy kini niadtong Biyernes sa buntag diha sa mga establisamento sa ilang lugar diin ilang tumong ang pagpalig-ong sa kahapsay ug kalinaw sa kaomunidad.

Police Major Eric Cabuslay Gingoyon, hepe sa Mabolo Police Station ug Police Corporal Harry Sorela, hepe sa Station Community Affairs and Development Police Non-Commissioned Officer (SCAD PNCO) ang nipahigayon sa maong kalihokan isip kabahin sa padayong pagpalig-on sa koordinasyon sa kapolisan ug komunidad.

Tumong sa kapolisan mao ang pagpalig-on sa mga estratehiya sa kooperatiba tali sa pagpatuman sa balaod ug sa pribadong sector lakip niini ang paggamit sa closed-circuit television (CCTV) camera pagpupogong sa krimen.

Lakip usab niini ang pagpatuman sa random drug test ug pagpahugot sa mga protocol sa seguridad sulod sa establisemento.

Si Gingoyon nagkanayon nga gihingusgan niya ang maong programa ubos sa iyang pagdumala sama sa pagduaw sa mga establisemento sa patigayon ug pakiglambigit sa mga opisyales sa barangay.

Lakip niini, ang kapolisan nagpahigayon og tigom tali sa opisyales sa barangay aron matubag ang problema kabahin sa mga menor de edad nga nalambigit sa ilegal nga drugas ug uban pang mga isyu.

Si Gingoyon nagplano sa pagpahigayon og forum sa sunod buwan tali sa mayor ug mga stakeholder sa Mabolo. — Anthony Despi, CNU Intern/BDB (BANAT NEWS)