Anti-dengue taskforce nagdili sa pagpundo og tubig
CEBU, Philippines — Gimando sa anti-dengue taskforce sa dakbayan sa Talisay nga ipayabo ang mga nag-pundo nga tubig sa mga tunghaan sa dakbayan.
Ang taskforce nihimo niini sa katapusang adlaw sa Brigada Eskwela isip pagpangandam sa pagbukas sa klase karong adlawa.
Gisugyot usab nila nga kun gamiton man gani ang limpyo nga tubig mas maayong bu-tangan kini og tabon aron ang lamok nga magdala og dengue dili makapangitlog.
Gihimo usab sa anti-dengue task force ang information dissemination sa mga angay nga pagabuhaton nga malikay sa makamatay nga sakit nga dengue ilabi na ang mga tinun-an sa mga eskwelahan.
Ang labing una nga buhaton aron molayas ang mga lamok mao ang pagpabilin nga limpyo ang palibot.
Lakip sa ilang gisugyot nga kun makasinati man gani og mga sintomas sa sakit nga den-gue dili maglangay sa pagpakonsulta sa doctor. Sa nasayran ang buwan sa Hunyo ang gideklarar nga Dengue Awareness Month. — /MEL (BANAT NEWS)
- Latest
