Pride March gipahigayon nonot sa pagsaulog sa Pride Month
CEBU, Philippines — Alang sa pagbarog sa katungod ug pagpakita sa panaghiusa, nagpahigayon ang Mandaue Kaabag LGBTQIA+ Federation ug usa ka Pride March kagahapon, Hunyo 14, kabahin sa pagselebrar sa Pride Month.
Gipahigayon ang giingong kinadak-ang Pride March sa probinsiya sa Sugbo sa Plaza Precedensia, sentro sa dakbayan sa Mandaue, diin gibana-bana nga miabot sa 10,000-ngadto sa 20,000 ang misalmot sa kalihukan.
Usa sa partisipante niini ang Phillippine Financial & Inter-Industry Pride (PFIP) organizations, Business Process Outsourcing (BPO) companies, ug ni apil usab ang mga organisasyon sa Camotes, Lapu-lapu ug Talisay.
Lakip sa mga guest performers mao ang mga drag queens ug uban pa.
Matud pa sa organizer sa programa, challenging ang ilang pagmartsa karon gumikan kay dugay na silang nanawagan para sa equality, usa usab sa rason ang SOGIE bill nga gitinguha nila nga mapasar na.
- Latest
