Minimum wage earners makapalit na sa tag P20 nga kilo sa bugas
CEBU, Philippines — Human masabutan nga iapil ang minimum wage earners sa makapahimulos sa P20 matag kilo nga bugas, opisyal nang gi-rollout sa Department of Agriculture (DA) ug Department of Labor and Employment (DOLE) niadtong Biyernes ang maong programa sa tibuok nasod.
Ang maong programa nga “Benteng Bigas, Meron Na!,” gilusad sa Sugbo niadtong Mayo 01, Labor Day. Limited ra kini kaniadto sa mga vulnerable groups sama sa indigents, solo parents, senior citizens ug PWDs.
Apan human masabutan, naapil na ang mga minimum wage earners sa maka-avail sa P20 matag kilo nga bugas aron mapagaan ang pinansyal nga palas-anon sa mga kabus nga Filpinos.
Apan naa pa sa pilot phase ang maong programa hangtod sa Disyembre.
Kining programa makahatag ug dako nga tabang sa mga minimum wage earners diin sa 10 ka kilo nga bugas makadaginot pa sila sa ilang P100 o P200 nga pwede pa magasto sa uban pang kinahanglan.
Matod sa DOLE, dul-an sa 120,000 ka minimum wage earners gikan sa kapin 500 ka mga establisamento sa tibuok nasod ang una nga makabenepisyo sa programa.
- Latest
