P25 milyon road concreting project ipabilin sa outgoing administration sa Kapitolyo
CEBU, Philippines — Nikabat ngadto sa P25 milyones nga proyekto ang mapabilin sa outgoing administration ngadto sa incoming administration sa Kapitolyo.
Gilangkuban kini sa road concreting projects sa mga lungsod sa Carmen ug Moalboal.
Nikabat ngadto sa P25 milyones ang gigahin sa Kapitolyo alang sa unang hugna sa road concreting project sa Dawis-Triumpo section sa Lungsod sa Carmen.
Sa ikaduhang hugna sa maong proyekto nikabat ngadto sa P26.1 milyones ang gigahin sa Kapitolyo alang sa Triumpo section ug sa ikatulong hugna P21.4 milyones ang gigahin alang sa Ipil-Poblacion section sa Carmen.
Sa Lungsod sa Moalboal, ang Kapitolyo nigahin og P40.1 milyones alang sa ikatulong hugna sa Poblacion-Bugho road section.
Ang maong proyekto makatabang sa pagpalambo sa dagan trapiko sa mga barangay sa lungsod. Clifford T. Bacon, CNU Intern, BDB BANAT NEWS
- Latest
