DILG nakakuha og 99.52 porsyento nga client satisfactory score

CEBU, Philippines — Ang Department of the Interior and Local Government (DILG) nakakuha og 99.52 porsyento nga client satisfaction score sa 2024 Client Satisfaction Measurement Report (CSMR).

Ang DILG nagkanayon nga ang maong kalampusan nagpakita sa pasalig sa ahensiya sa pagpahapsay sa mga serbisyo sa gobiyerno ubos sa Akta Republika 11032 kun “An Act Promoting Ease of Doing Business and Efficient Delivery of Government Services”.

Subay niini, ang central ug regional offices sa DILG nakakuha og taas nga marka sa lain-laing mga indicator sa kalidad sa serbisyo lakip na ang responsiveness, reliability, communication, ug integrity.

Ang mga marka sa rehiyon gikan sa 98.9 porsyento hangtud sa 99.9 porsyento.

Nakita usab sa CSMR nga 96.18 porsyento sa mga respondents ang nakakaplag nga makatabang ang citizen’s charter sa DILG diin 98.82 porsyento ang nakahibalo niini.

Isip pag-ila sa performance giumol sa DILG ang pasidungog alang sa upat ka buhatan nga gilangkuban sa Information Systems and Technology Management Service, Planning Service, Internal Audit Service, ug National Barangay Operations Office alang sa ilang tukmang panahon sa pag-report sa            satisfaction.

Gikataho nga laing 12 ka high-performing units ang giila alang sa ilang talagsaong client service.

Sa pagpakita sa ilang matinud-anong serbisyo gidayeg ni DILG Committee on Anti-Red Tape (CART) Chairperson Undersecretary Omar Romero ang mga mananaog ug gipasiugdahan ang ilang tahas sa pagpauswag sa maayong pagdumala ug pagsalig sa publiko. BDB BANAT NEWS