Santa Fe nipahimangno bahin sa bokya

CEBU, Philippines — Subling mipahimangno ang lokal nga kagamhanan sa Santa Fe sa isla sa Bantayan dili lang sa mga residente niini apil na pud sa mga turista nga magbantay sa box jelly fish, usa ka matang sa bokya nga grabe ka katol.

Kini gumikan kay posibleng makamatay kung ugaling dili kini dayon madali kun mataptan ang indibidwal.

Sumala sa LGU karong bulan sa Hunyo maoy jellyfish season ug mawala kini ini’g bulan sa Septiyembre, nagpasbot nga daghan pa ang possibleng makit-an o masugatan nga jellyfish sa kadagatan.

“Jellyfish can vary in size, shape, and severity of their stings. While most jellyfish stings are not life-threatening, they can cause discomfort, pain, and sometimes allergic reactions,” matud sa LGU sa Santa Fe.

Niaddtong tuig 2023 usa ka 32 anyos nga babayeng turista dikan sa Bohol ang namatay human mataptan sa box jellyfish diha sa ilang kadagatan sa Santa Fe.

Mipagawas pud og safety tip ang LGU kun ugaling mataptan og box jelly fish sama sa paggamit tubig dagat sa paghugas niini ug banlaw og suka sa samad sulod sa 30 segundo, pag monitor sa kondisyon sa biktima, pagdala niini dayon sa hospital.

“Pain should be treated with hot water immersion (as tolerated) when possible,” abiso sa LGU.

Dili pud angay nga banlawan og presko o bugnaw nga tubig ug dili kawton ang panit nga nataptan sa jellyfish.

Ang lungsod sa Santa Fe sa isla sa Bantayan, maoy usa sa mga inilang tourism destinations sa Probinsya tungod sa white sand beach niini. IBM  BANAT NEWS