Bag-ong hepe sa BJMP tutokan ang pagpaloag sa jail facilities   

CEBU, Philippines — Ang bag-ong nilingkod nga direktor sa Bureau of Jail Management and Penology Central Visayas Jail Chief Superintendent Luisito Muñoz tutokan ang pagploag sa tanang jail facilities

Kini ang usa sa mga gipadayag ni Muñoz atol sa pakighinabi niya sa mga tigbalita sulod sa unang higayon kagahapon sa buntag.

Matud ni Muñoz nga adunay 43 ka jail facilities sila nga gidumala tibuok rehiyon-7 nga gilangkuban sa 17,857 ka Person Deprived of Liberty.

Gibutyag ni Muñoz nga aduna sila’y 299 percent congestion sa mga jail facility diin 74 porsyento niini mga drug related cases.

Ug ang BJMP aduna lang kini 2,064 ka personnel hinungdan nga ang ilang focus karon mao ang decongestion ug education diin tanan nilang mga paningkamot ilang gipahimutang aron masiguro ang dignidad ug katungod sa ilang pagkatawo marespetohan ubos sa ilang pag-amoma.

Si Muñoz nagkanayon nga kabahin sa ilang mga programa sa PDL ang makatabang kanila sa higayon nga sila makagawas hinungdan nga ang edukasyon dako og papel sa ilang rehabilitation efforts nga gihimo.

Gibutyag usab ni Muñoz nga sa pagkakaron adunay 2,961 ka PDL ang naka-enroll sa Alternative Learning System ug anaa usab sila’y college for innovation and education behind bars uban sa pakig-alayon sa Cebu Technological University nga naghatag og education level opportunities sa mga PDL nga anaa sa jail facility ug gipaabot nga ipatuman kini sa tibuok jail facility sa Cebu Province.

 Sa pagkaron, kalabot sa ilang livelihood nakahatag na sila og skill and activity ngadto sa 10, 478 ka PDL aron sa pagsuporta kanila sa pagbalik unya nila sa komunidad nga aduna na unya sila’y panginabuhian.

Gikataho nga sukad sa buwan sa Enero hangtud sa Marso karong tuiga ang ilang paralegal services nakapagawas na og 1,700 ka PDL diin nagpakita kini sa ilang commitment sa pagsiguro nga ang hustisya ma-serve kini.

Kagahapon, si Muñoz nakigtagbo dayon kini sa iyang mga sakop ug gipahimangnoan niini ang  mga jail officer nga kon masakpan nga nalambigit sa pagpalusot og mga kontrabando diha sa jail facilities mataktak gyud kini sa serbisyo.

"Yan yun yung sinabi ko sa kanila, kasi sabi ko nga yung ganitong gawain is baka maka impluwensiya pa sa mga matitino na personnel natin na gumagawa ng tama, so kung suspension lang three months is para napakagaan, I want them dismiss from the service", padayag ni Muñoz.

 Matud usab ni Muñoz nga aron mamenosan ang pagpalusot sa mga kontrabando mas hingusgan nila ang pagpahigayon og greyhound operation pinaagi sa pakig-alayon sa Philippine Drug Enforcement Agency-7.

"Meron naman tayong mga bagong graduates, we will utilize them to conduct greyhound operation", ni Muñoz pa.

Dugang ni Muñoz nga mas palig-onon usab nila ang searching nga himuon sa mga dalaw sa jail facilities. (BANAT NEWS)