Baricuatro nagtinguha sa pagbuhi sa Mega Cebu
CEBU, Philippines — Si Cebu governor-elect Pamela Baricuatro nagtinguha sa pagbuhi og balik ang Mega Cebu. Matud ni Baricuatro nga gawas sa pagduol niya sa pipila ka siyudad tinguha niyang i-reactivate ang Mega Cebu.
Ang Mega Cebu usa ka dakong good collaborative effort tali sa key component cities, municipalities ug sa Probinsiya sa Sugbo hinungdan nga iyaha kining hatagan og pagtagad.
Dugang ni Baricuatro nga ang pagpabalik unya sa Mega Cebu magdala usab unya kini og kalamboan sa Probinsiya sa Sugbo.
Gikataho nga ang Mega Cebu usa ka konsepto ug programa nga nag-promote sa vision sa Cebu nga mahimong usa ka nag-unang global nga siyudad nga adunay 10 milyones nga populasyon sa tuig 2050.
Ang maong vision gipangulohan sa Metro Cebu Development and Coordinating Board (MCDCB) diin ang proyekto nagtumong sa pag-umol og world-class aesthetic, nga gi-characterized pinaagi sa compelling future, usa ka popular nga tinguha alang sa umaabot kaugmaon, ug usa ka limpiyo, komportable, u nuisance-free environment.
Ang Mega Cebu naglantaw sa kaugmaon diin ang Sugbo mahimong usa ka global hub, dili lang geographically lakip na kabahin sa ekonomiya, imprastraktura, ug kalidad sa kinabuhi, pagdani sa pamuhonan, talento, ug turismo.
Ang maong panglantaw gisuportahan sa mga inisyatibo sama sa South Road Property (SRP) reclamation area nga nagtumong nga mahimong usa ka IT-focused industry zone nga adunay residential ug commercial nga mga lugar, ingon man usa ka hiniusang sestema sa pagdumala sa enerhiya.
Aron mas lig-on pa ang panglantaw, ang pagmugna sa Mega Cebu Development Authority (MCDA) nga gikonsidera aron sa pag-coordinate sa mga paningkamot, paghatag og serbisyo, ug pag-coordinate sa mga polisiya ug proyekto sa hingtungdan nga government units. (BANAT NEWS)
- Latest
