Oplan Summer Vacation way natala nga mga dagkong problema  

CEBU, Philippines — Oplan Summer Vacation way natala nga mga dagkong problema

Way natala nga mga kakulian ug problema sa gipatuman nga Oplan Summer Vacation nga gilusad sa kapolisan sa Dakbayan sa Sugbo niadtong miaging buwan sa wa pa ang eleksyon.

Kini ang gibutyag ni Maria Theresa Macatangay deputy city director for operation sa Cebu City Police Office (CCPO).

Matud pa ni Macatangay, walay dagko nga natala nga mga insidente may kalabutan sa Oplan Sumvac ilabi na sa mga bisita sa siyudad sa Sugbo.

Lakip sa ilang gituhuang nakatabang sa sitwasyon mao ang pagpahigayon nila sa mga anti-criminality program sama sa Oplan Bulabog, pagpahimutang sa police outpost ug regular patrolling sa kapolisan sa nagkalain-laing dapit.

Dugang pa ni Macatangay, dako usab ug tabang ang pagtambayayong sa komunidad ug lokal nga kagamhanan alang sa kalampusan sa programa. MEL BANAT NEWS