Maayong kalidad sa NFA rice gisiguro sa Department of Agriculture

CEBU, Philippines — Gitigum ni Department of Agriculture Secretary Francisco P. Tiu Laurel Jr. ang mga regional managers ug mga dagkong opisyales sa National Food Authority (NFA) aron pagsiguro nga dunay maayong kalidad ang bugas nga gi apod apod ubos sa P20-per-kilo rice program ni presidente Ferdinand Marcos jr.

Si Laurel, kinsa maoy nangu sa NFA Council, miklaro nga ang programa usa ka dakung opurtunidad aron mausab ang pagtan-aw sa publiko sa NFA rice, diin taud taud na nga gituhuan sa mga kritiko nga usa ka substandard kun baratohon nga matang sa bugas. Dinhi sa Sugbo daghan na sa mga local government units ang nipatuman sa P20 per kilo rice program sukad sa paglusad niini niadtong May 1, 2025 apan gihunong gikan sa Mayo 2 hangtud sa 12 gumikan sa restrictions Commission on Elections.

Suma pa ni Laurel nga ang programa naghatag og daku nga pagtagad sa kalidad sa bugas dinhi sa nasud nga gitugma sa Rice Tariffication Law, nga nagdili sa NFA sa pag-import sa bugas aron ipundo.

Hinuon ang ahensya nipunting sa pagpalit og palay gikan sa mga Filipino farmers, isip kabahin sa lakang pagsuporta sa local nga produksyon ug masiguro ang patas nga farm gate prices.

Sukad sa paglusad sa tag P20 nga bugas nga nahimong extension sa tag P29 nga rice initiative nga gipatuman niadtong miaging tuig daghan sa mga konsumidor ang nakamatikod og improvement sa kalidad sa NFA rice.

Kahinumduman si president Marcos nimando sa DA nga palapdan ang subsidized rice program aron makabenispisyo ang kadaghanan sa mga Filipinos ug masustinir ang tag P20 matag kilo hangtud nga matapos ang termino niini sa June 2028.