Road Safety Month gilusad sa LTO-7

CEBU, Philippines — Opisyal na nga gibuksan sa Land Transportation Office(LTO)-7 ang Road Safety Month 2025 celebration inubanan sa road safety pledge ug motorcade sa South Road Properties kagahapon sa buntag, Mayo 19, 2025.

Ang kalihukan gipangulohan ni LTO-7 Regional Director Glen Galario nga giapilan sa mga representante sa nagkalain-laing ahensiya sa gobyerno, LTO-accredited driving schools, mga transport operators, trucker associations, motorcycle clubs ug Local Government Units.

Nagsugod ang programa sa road safety remarks gikan kang Director Galario ug gisundan sa pagpirma sa road safety pledge.

Sa mensahe ni Director Galario gipahinumduman niini ang publiko nga ang road safety kay dili lang responsibilidad apan usa sab ka commitment.

"This year's DOTr and LTO theme, 'Drive to Protect: Safe Streets, Safe Children,' highlights what's truly at stake: the lives of our most vulnerable road users. Every child deserves to walk, ride, and travel safely—free from the fear of accidents caused by neglect, impatience, or lack of awareness", sigon ni Director Galario.

Midugang ang opisyal nga ang ahensiya uban ang law enforcement, road safety advocates, transport group, civil society ug private sector sa Central Visayas nag-atiman sa kultura sa disiplina, respeto ug shared responsibility sa kadalanan.

Ang mga Local Government Unit sa Cebu City, Mandaue City ug Lapu-Lapu City mipadayag sa ilahang suporta sa road safety campaign sa LTO.

Samtang si Land Transportation Franchising and Regulatory Board(LTFRB)-7 Director Eduardo Montealto Jr., mihatag of safety tips sa mga drivers aron malikayan ang disgrasya.

Si Police Colonel Wilbert Parilla, Regional Chief sa Highway Patrol Group(HPG)-7 nisuporta sab sa road safety sa tibuok rehiyon.

Gilusad usab ang ang Road Safety Fair ug mahuman sa Mayo 23, karong adlaw nga Biyernes. (BANAT NEWS)