Garcia ug Archival magtagbo alang sa transition

CEBU, Philippines — Gianunsiyo ni Cebu City Mayor Raymond Alvin Garcia nga nakadawat siya og suwat gikan kang mayor-elect Nestor Archival diin buot niini nga personal nga makigtagbo alang sa pagtuki kabahin sa paspas nga transisyon sa administrasyon sa siyudad.

Gilaoman nga magtagbo ang duha sa mosunod nga duha ka semana sa dili pa ang Hunyo 30, 2025 diin mao kini ang kataposang adlaw sa termino ni Garcia isip mayor sa siyudad.

Sa pagdawat ni Garcia sa maong suwat nipadayag kini sa iyang kalipay nga nag-agad si Archival kon kanos-a siya bakante alang sa ilang panagtagbo tungod kay aduna pa siya’y gipang-atiman sa dili pa mahuman ang iyang termino.

Sa laing bahin, gipahibalo na usab ni Garcia atol sa press conference kagahapon nga langkuban sa mga department heads nga iyang giumol nga Local Governance Transition Teams.  Langkuban kini nila ni Atty. Kristine Joyce Batucan, city administrator; Atty. Jared Limquiaco, mayor secretary; City Accountant Jerome Ornopia, City Assessor’s Office assistant head Nova Batiller; Atty. April Jane Salas-Orquiza, City Budget Office head; City Treasurer Mare Vare Reyes; City Agriculture Department head Arlie Gesta; Office of the City Architect head Architect Eleazar Lipang; Cebu City Medical Center head Dr. Peter Mancao; Cebu City Transportation Office head Raquel Arce; City Health Department head Dr. Daisy Villa; City Planning Development Office head Architect Joseph Michael Espina; City Legal Office head Santiago Ortiz; Cebu City Environment Natural Resources Office head Engineer Editha Peros; City Engineering Office head Engineer Lowell Corminal; Department of General Services head Atty. June Maratas; Department of Manpower and Development head Antoine Aguhar; Department of Social Welfare Services head Portia Basmayor; Department of Public Services head John Paul Gelasque; Department of Veterinary Medicine and Fisheries head Dr. Alice Utlang; Human Resource Development Office head Henry Tomalabcab; Internal Audit Service Office head Emma Villarete; Office of the Building Official head Architect Florante Catalan; Office of the City Civil Registrar head Atty. Evangeline Abatayo; Sangguniang Panglungsod secretary Atty. Charisse Piramide; Cebu City Disaster and Risk Reduction Management Office head Aderson Comar; ug Management Information and Computer Services assistant head Joel Dela Cerna.

Ang maong opisyales ang mosiguro ug mopadali sa hapsay nga pagbalhin sa mga responsibilidad, pagsuporta sa pagpadayon sa serbisyo, pagmenos sa mga pagkabalda, ug paghatag katin-awan alang sa mga outgoing ug umaabot nga opisyales. (BANAT NEWS)