Batan-on gipusil patay   

CEBU, Philippines — Nakabsan sa kinabuhi ang usa ka 21-anyos nga lalake human gituohang gipusil sa wala pa mailhing suspetsado diha sa Tres de Abril Street, Barangay Labangon, siyudad sa Sugbo kagahapon sa kadlawon, Domingo, Mayo 18, 2025.

Ang biktima mao si Mark Vicent Carabuena, nga taga Sitio Cogon, Barangay Labangon ning siyudad.

Tulo ka basiyo sa bala sa .9mm ang nakita sa nahitaboan sa krimen. Nagpadayon ang imbestigasyon sa Labangon Police Station 10 Cebu City Police Office sa maong hitabo.  Gisubay nila ang CCTV footages nga makatabang sa ilahang imbestigasyon.

Apil sa ilang gisubay sa kapulisan ang background sa biktima ug posibleng motibo sa maong krimen. (BANAT NEWS)