DSWD-7 nipasalig sa pagpadayon sa ilang mga programa

CEBU, Philippines — Ang Department of Social Welfare and Development (DSWD)-7 nipadayag sa pagpadayon sa gipatuman nga programa nga naglakip sa 4P’s program sa nasudong kagamhanan.

Giluwatan kini sa kadagkoan sa DSWD-7  sa ilang pagbisita sa buhatan ni vice mayor-elect Glenn Bercede  sa niaging semana nga nag-courtesy uban  sa mga  sakop sa Regional Independent Monitoring Committee, Atol sa pagbisita sa taga DSWD-7 ilang gipasalig ang padayon nga pag-monitor sa mga programa sa 4Ps ug uban pang programa alang sa mga beneficiary nga mga kabus sa Siyudad sa Mandaue.Dugang nilang gipaniguro ngadto kang Bercede ang pagpadayon usab sa paghatag og mga training sa skills development sa mga beneficiary aron ilang magamit sa panginabuhi.

Sa iyang bahin, si Bercede nipadayag usab  sa pagpadayon sa iyang hugtanong pagsuporta sa nasugdan nga partnership tali sa DSWD, RIMC ug uban pang mga partner sa paghatag og tinuod nga serbisyo sa mga Mandauehanon.

Gitataw niya nga ang katuyoan sa lokal ug nasudnong kagamhanan mao ang pagtabang sa mga panginahanglan sa  mga Mandauehanon ug kini mahimong sayon ang pagtuman pinaagi sa pagtinabangay  sa nagkalainlaing buhatan sa kagamhanan. Si Bercede ang nagserbisyo isip bise mayor sa siyudad apan dihang natangtang si kanhi mayor Jonas Cortes sa katungdanan si Bercede ang nilingkod isip mayor sa siyudad ug mihulip usab kaniya isip bise mayor ang first councilor nga si Nerissa Soon Ruiz. —/BDB (BANAT NEWS)