65 ka PDL sa Talisay nigradwar sa vocational course
CEBU, Philippines — Niabot sa 65 ka Persons Deprived of Liberty (PDL) sa Dakbayan sa Talisay ang nakagradwar sa vocational course nga ilang gieskwelahan.
Gikataho nga sa Talisay City Jail- Female Dormitory 23 ka PDL nga babaye ang nakahuman sa vocational course sa computer systems servicing ubos sa Technical Vocational Livelihood Track.
Si Jail Inspector Marrion Gail Bernandette Dongan, warden sa TCJ maoy nangulo sa kalihokan uban sa mga bisita gikan sa VocTech.
Samtang 42 ka PDL nga mga lalaki ang nakahuman sa ilang gikuha nga vocational course.
Ang ilang warden nga si Jail Inspector Royette Arcipe nitambong sa kalihokan uban sa mga bisita.
Ang kalihokan naghatag sa mga PDL og kahigayonan nga magbag-o sa kinabuhi panahon nga ilang maserbisyohan ang ilang mga kaso sulod sa bilanggoan.
Ang ilang nakat-onan maoy ilang gamiton sa ilang pagbalik sa komunidad nga magpuyo nga normal. — /BDB (BANAT NEWS)
- Latest