P50 milyong shabu nasakmit

CEBU, Philippines — Isip suporta sa 2025 National and Local Elections ang Police Regional Office (PRO)-7 nilusad og intensified 12-day anti-criminality ug law enforcement campaign gikan sa April 30 hangtod sa May 12, 2025 sa tibuok Central Visayas.

Tumong sa maong operasyon nga masiguro ang luwas, hapsay ug kasaligan nga eleksiyon pinaagi sa coordinated security strategy nga nakatutok sa pagpakgang sa mga kriminal.

Niabot sa 204 ka anti-illegal drug operations ang nagpahigayon sa PRO-7 nga miresulta sa pagkompiskar sa 8,848.19 grams sa gituohang shabu nga nibalor og P50.1 million ug 7 grams nga pinaugang dahon sa marijuana.

Samtang 251 ka mga indibidwal sab ang nadakpan sa kapulisan nga nalambigit sa illegal nga drugas.

Resulta kini sa pagtutok sa kapolisan pagpuhag sa drug networks sa mga komunidad.

Niresulta sab sa pagkasikop sa 23 ka most wanted persons ug 137 ka other wanted persons ang mga operasyon sa kapulisan.

Wala sab molugak ang kapulisan sa ilang operasyon batok loose firearms diin 75 ka unlicensed firearms, usa ka granada ug 208 rounds sa bala anh nasakmit sa otoridad.

Ang enhanced checkpoint operations, patrol deployments ug intelligence-based interventions nakatabang aron mapakgang ang potensiyal nga mahitabong election-related violence ug ubang hulga.

Tungod ani wala'y major election-related incidents ang natala sa Central Visayas nga nagpakita sa kaepektibo sa kolaborasyon sa tanan. Si PRO-7 Regional Director Police Brigadier General Redrico Maranan midayeg sab sa dedikasyon sa kapulisan.

“I commend the unwavering commitment and professionalism of our men and women in uniform who worked around the clock to protect our communities and secure the electoral process. These accomplishments are a clear reflection of our operational readiness and deep sense of duty to serve with integrity and excellence....As we transition into the post-election phase, PRO7 will continue its intensified law enforcement efforts to prevent the resurgence of criminality and ensure a safe environment for all. Together with our partners and the community, we remain steadfast in our mission to uphold peace, order, and the rule of law throughout Central Visayas", ni PBGen Maranan pa. — /IBM (BANAT NEWS)