Outgoing Congresswoman Chan mopadayon sa proyekto sa iyang bana

CEBU, Philippines — Gipadayag ni Lapu-Lapu City mayor-elect ug outgoing congresswoman Cynthia "Cindi" King-Chan ang pagpadayon sa mga proyektong pang-inprastraktura nga gisugdan sa iyang bana nga si outgoing mayor Junard "Ahong" Chan inig asumer niya sa katungdanan.

Matud sa mayor-elect nga lakip sa iyang hatagan og pagtagad ang naglambigit sa programa sa panglawas, edukasyon ug ingon man ang industriya sa turismo sa iyaha unyang pag-asumer sa Hulyo 1, 2025.

Gikataho nga sa pag-asumer ni mayor-elect Chan isip mayor ang iyang bana nga si outgoing mayor Chan ang moasumer usab isip kongresista sa Lone District sa Siyudad sa Lapu-Lapu alang sa iyang unang termino.                                                                                                                                              

Si mayor-elect Chan ang anaa na unta sa iyang ikatulong termino isip kongresista ug mao usab si outgoing mayor Chan ang anaa pa usab unta  sa iyang ikatulong termino isip mayor apan wala nila ipadayon diin ilang nahukman ang pagbayloay sa katungdanan nga ilang gihuptan. BDB BANAT NEWS