Honorarium sa mga ni-serbisyo sa eleksyon gihatag na

CEBU, Philippines — Gipanghatag na ang honoraria sa mga niserbisyo sa bag-o lang natapos nga piniliay sa Dakbayan sa Talisay.

Gihimo sa Talisay City Comelec mao nga gipaagi sa mga barangay ang pagpang release aron walay yagaw nga mahitabo. Ila sab hinuon gihangyo ang kapolisan nga naa gyud ang ilang presensya.

Gipaningkamotan nga humanon ang pag-release sa sweldo hangtud sa sunod semana ug ang ilang dad-on mao lang ang ilang mga ID.

Gihangyo sab ni Atty. Richleigh Consulta, election officer sa Talisay nga ang mga nikandidato nga mosumiter sa ilang SOCE.

Matud pa niya nga dili na unta nila paaboton pa ang deadline nga Hunyo 11 ning tuiga.  Padayon sab ang ilang Oplan Baklas sa mga campaign posters.

Si Mayor Gerald Anthony “Samsam” Gullas nibutyag nga kung gusto sa mga Talisaynon nga gamiton ang campaign posters mahimo ra gyud kaayo kini.  IBM BANAT NEWS