Kongresista Galeos na proklamar na

CEBU, Philippines — Hingpit nang naproklamar ang kataposan nga kandidato sa probinsya sa Sugbo, kagahapon, Miyerkules human wala kini mauban sa daghang mga kandidato nga naproklamar niadtong Martes sa hapon.

Si Congressman Edsel Galeos mao ang kataposan nga naproklamar human kini nakadaog batok ni Incumbent Vice Governor Hilario Davide III sa pagka kongresista sa 2nd District sa probinsya sa Sugbo.

Matud pa ni Galeos nga nakapahuway na siya gamay nga nahuman na ang eleksyon ilabi na sa mga nanglabay nga mga adlaw nga grabe nila ka busy sa kampanya.

Gitug-an ni Galeos nga alkansi gayud gamay si Governor Gwendolyn Garcia sa second District ikomparar sa napili nga bag-ong gobernador nga si Pamela Baricuatro.

Wala hinoon masayod si Galeos kung unsay hinungdan niini tungod kay nabusy man usab sila sa ilang pagpangampanya.