Nestor, pam nag-una
CEBU, Philippines — Sa usa ka gihulagway nga dakong “upset” sa eleksyon sa Sugbu, naglawig sa eskutenyo sa mga botos sa partial ug unofficial vote count ang mga naa sa oposisyon dinhi.
Sa Cebu City, basi sa partial and unofficial results alas 9:46 gikan sa ABS-CBN Halalan 2025 nga 73.29 porsiyento sa election returns kagabii, Mayo 12, 2025.
Sa pagka-mayor, si incumbent Councilor Nestor Archival Sr. maoy nanguna sa ihap sa botos sa iyang 228,724 votes ug nisunod kaniya si incumbent Mayor Raymond Alvin Garcia sa iyang 153,603 votes; samtang 107,182 kang kanhi mayor Michael Rama; Yogi Ruiz, 24,959 votes; Julieto Co, 2,784 votes.
Samtang sa pagka-bise mayor, nagtigi sab silang kanhi mayor Tomas Osmeña nga nakauna sa gidaghanon sa botos nga 208,275 votes ug sunod sab si incumbent Vice Mayor Donaldo Hontiveros sa iyang 169,339 votes ug Joey Daluz sa iyang 128,762 votes.
Moabot sa 790 ang kinatibuk-ang ihap sa mga presinto nga gipaabot nga mo-transmit og resulta kagabii.
Gibana-bana nga 721,489 ang kinatibuk-ang gidaghanon sa mga botante nga gipaabot nga iphon.
Samtang sa probinsya sa Sugbu, basi sa partial ug unofficial results gikan gihapon sa data sa Comelec alas 9:54 sa gabii, May 12,2025 o 66.64 percent sa election returns. Si Pamela Baricuatro nakakuha og 931,736 votes; Gwen Garcia 621,378 votes; Valeriano Gingco 28,769 votes. Samtang sa pagka bise gobernador si Glenn Soco nakakuha og 908,668 votes ug si Joselito Ruiz nakakuha og 347,620 votes.
Samtang sa Lapu-Lapu City sa pagka-mayor nag-una si Cindi Chan sa iyang 131,848 votes, Paz Radaza sa iyang 39,517 ug Cristine Takahashi 36,570 votes. Sa pagkabise mayor si Celsi Sitoy nakakuha og 135,683 votes ug Atornimyk Dignos 55,352 votes.
Samtang sa Mandaue City, nag-una sa pagkamayor si Jonkie Ouano ug nisunod si Jonas Cortes.
Atol ning pagsuwat sa balita, padayun pa ang pag-ihap sa mga botos sa nahibiling mga election returns. Kaning tanan, partial ug unofficial vote count ug mahimo pang mausab sa pagpadayon sa eskutenyo. (BANAT NEWS)
- Latest
