Mga balota napadung sa laing lugar
CEBU, Philippines — Gikompirmar sa Commission on Election Region -7 nga dunay nahitabong "mis-delivery" sa pipila ka mga balota nga gigamit sa eleksyon kagahapon, Mayo 12, 2025.
Sa datos sa COMELEC-7 dunay 19 ka mga balota nga alang unta sa Lungsod sa Balamban ang na-deliver sa Isla sa Bantayan; 20 sab ka mga balota nga para unta sa Lungsod sa Argao ang na-deliver sa Lungsod sa Aloguinsan.
Duna say 42 ka balota nga alang sa second district sa Cebu City ang naadto sa Lungsod sa Candijay, Probinsya sa Bohol.
Samtang 102 usab ka mga balota nga alang sa Barangay Lambason ang naadto sa Tambungon, Lungsod sa San Remigio.
Samtang 44 ka mga balota usab sa Dakbayan sa Mandaue ang nasuta nga wala'y second page.
Gi-verify sab sa COMELEC-7 ang unang na-report nga 319 nga kuwang nga balota sa Barangay Canluma, Lungsod sa Tabuelan.
Nakig-alayon dayon ang mga election officers sa maong mga lugar aron mabalik ang mga mis-delivered ballots sa assigned polling centers. (BANAT NEWS)
- Latest
